08 апреля 2021 г.
Тăлăхсене тата ашшĕ-амăшĕн хÿтлĕхĕсĕр юлнă ачасене патшалăх чылай çăмăллăх парать. Пулăшу мерисен шутне çавăн пекех хăтлă хваттерпе тÿлевсĕр тивĕçтерни те кĕрет.
Çак кунсенче район администрацийĕн пуçлăхĕн çумĕ – ял хуçалăх, экологи, строительство тата пурăнмалли çурт-йĕрпе коммуналлă хуçалăх пайĕн пуçлăхĕ Владимир Долгов тăлăхсене — Люба тата Валерий Любимовсене — хваттер уççисене панă. Вĕсене çак пулăмпа район прокурорĕн пулăшаканĕ, юстици канашçи Сергей Улисов тата райадминистрацин попечительствăпа опека секторĕн заведующийĕ Ирина Гурьева саламланă.
П. СЕРГЕЕВ.