Публикации » Кĕнеке кунне паллă тунă

08 апреля 2021 г.

Ака уйăхĕн 2-мĕшĕ — Пĕтĕм тĕнчери ача-пăча кĕнекин кунĕ.

Ачасем валли çырнă кĕнекесем кирлине 19 ĕмĕртех палăртнă. Шăпах çавăнтанпа ача-пăча литератури аталанма тытăннă та. Ганс Кристиан Андерсена пĕчĕккисен паллă юмахçи теççĕ. Вăл çуралнă кун Ача-пăча кĕнекин кунне паллă тума йышăннă та ĕнтĕ. Трак вăтам шкулĕнче Алина Ершова библиотекарь тăрăшнипе уява тĕплĕн хатĕрленнĕ. Праçнике 2-мĕш «б» тата 3-мĕш «а» классенче вĕренекенсем килнĕ. Ачасем юрланă, сăвăсем каланă, юмахсенчи паттăрсемпе паллашнă. «Çак кун — кĕнеке ача пурнăçĕнче пĕлтерĕшлĕ вырăн йышăннине кăтартакан самант», — палăртнă Ирина Афанасьевăпа Антонина Леонтьева класс ертÿçисем.