01 апреля 2021 г.
Нарăсăн 15 — пуш уйăхĕн 15-мĕшĕсенче федерацин «Пуласлăха – билет» проектне пурнăçа кĕртсе «Манăн ĕмĕтри професси» конкурс йĕркеленĕ.
Тупăшăва Чăваш Енри шкулсенче 6-11-мĕш классенче вĕренекенсем хутшăннă, 300 ытла пултарулăх ĕçне тăратнă. Çĕнтерÿçĕсемпе призерсен йышне Трак ен вĕренекенĕсем те кĕнĕ. «Сочинени» номинацире Красноармейски вăтам шкулĕн вĕренекенĕсем Анастасия Григорьева, Мария Игнатьева, Виктор Кириллов малти вырăнсене йышăннă. Хавхалантару хутне Любовь Александрова тивĕçнĕ. «Ÿкерчĕк» номинацире Карай шкулĕн вĕренекенĕ Татьяна Димитриева виççĕмĕш пулнă.