25 марта 2021 г.
Мăн Шетмĕри Совет Союзĕн Геройĕ Владимир Васильев ячĕллĕ пĕтĕмĕшле пĕлÿ паракан вăтам шкулта ашшĕ-амăшĕн пĕрлехи пухăвĕ иртрĕ. Унта паянхи çивĕч ыйтусене çĕклерĕç.
Пухăннисем умĕнче РФ Шалти ĕçсен министерствин муниципалитетсем хушшинчи «Цивильский» пайĕн районти уйрăмĕн шкул çулне çитменнисен уйрăмĕн инспекторĕ Марина Татмина тухса калаçрĕ. Вăл çул çитменнисем тăвакан киревсĕр ĕçсем, интернетра, социаллă сетьсенче преступленисем çинчен, шанăç телефонĕ, Чăваш Енри реабилитаци центрĕсем, «Вилĕм ăçта сутнине пĕлтер» акци çинчен каласа кăтартрĕ. Пухура Галина Маринкина социаллă педагог, шкул директорĕн вĕренÿпе воспитани енĕпе ĕçлекен çумĕ Полина Иванова тухса калаçрĕç, умра тăракан тĕллевсене палăртрĕç. П. МИХАЙЛОВА.