25 марта 2021 г.
Район администрацийĕн пуçлăхĕ Александр Кузнецов ЧР гражданла оборона тата чрезвычайлă лару-тăру енĕпе ĕçлекен патшалăх комитечĕн председателĕн тивĕçĕсене вăхăтлăх пурнăçлакан Николай Ивановпа курнăçнă.
Тĕлпулура çу кунĕсем çывхарнă май Трак енри ялсене пушар хăрушсăрлăхĕпе тивĕçтерес, вут-кăвар сÿнтермелли техникăна юсавлă тытас ыйтăва тишкернĕ. Хăна çавăн пекех халăха инкек-синкеклĕ лару-тăру çинчен васкавлă пĕлтересси, çынсем патне хыпар-хăнар ямалли тытăма юсавлă тытасси çинчен пĕлтернĕ.
Юлашкинчен Александр Кузнецовпа Николай Иванов районти 32-мĕш пушар чаçне çитсе курнă.