25 марта 2021 г.
«ТУС» АО филиалĕн — «КЕТРА» заводăн командисем волейболла вылянă.
Спортсменсене предприятин техника директорĕ Иван Воронов, районти ачасемпе çамрăксен спорт шкулĕн директорĕ Владимир Моисеев саламланă. Ăмăртăва заводăн 4 команди — «Администрация», «ОР и К», «Пĕрлештернĕ КЕТРА», «Производство» — хутшăннă. Вăйăсем çивĕч иртнĕ. «Производство» пĕрремĕш вырăна тухнă. Иккĕмĕшпе виççĕмĕшĕнче — «Администрация» тата «Пĕрлештернĕ КЕТРА». «ОР и К» çĕнтерÿ патне ăнтăлнăшăн парнене тивĕçнĕ. «Чи лайăх вылякан» тата «Чи лайăх хÿтĕлевçĕ» номинацире А. Даниловпа Ю. Васильев /иккĕшĕ те «ОР и К» командăран/ çĕнтернĕ.