25 марта 2021 г.
Районти культура çуртĕнче Крым Раççей тытăмне кĕнĕренпе 7 çул çитнине халалласа шахмат турнирĕ иртнĕ.
Чи малтанах спортсменсене ăмăртăвăн тĕп судйи Алексей Васильев, «Дебют» пĕрлешÿ ертÿçи Надежда Филиппова тата райадминистрацин социаллă аталану тата архив ĕçĕн пайĕн эксперчĕ — тĕп специалисчĕ Анастасия Андрейцева саламланă. Ăмăртусем çивĕч иртнĕ. Хĕрсен хушшинче Анна Борисова /Трак вăтам шкулĕ/, Валентина Федотова тата Линда Иванова /Красноармейски/ мала тухнă. 18 çулчченхи яшсен хушшинче Евгений Сидоров, Владимир Иванов, Савелий Прокопьев /пурте Красноармейски вăтам шкулĕ/ палăрнă. 2001 çулччен çуралнă тата унран аслăрах арçынсен хушшинче Игорь Алексеев /Красноармейски ял тăрăхĕ/ çĕнтернĕ, иккĕмĕшпе виççĕмĕш вырăнсене Владимир Ивановпа /Мăн Шетмĕ/ Анатолий Лаврентьев /Кĕçĕн Шетмĕ/ тухнă.