18 марта 2021 г.
Пуш уйăхĕн 7-8-мĕшĕсенче Çĕнĕ Шупашкарта каратэн WКC версийĕпе Раççейĕн ХII чемпионачĕ тата ăмăртăвĕ иртрĕ. Тупăшăва Раççейĕн 35 регионĕнчи спортсменсем хутшăнчĕç.
Ăмăртăва Трак ен каратисчĕсем те хутшăнчĕç, япăх мар кăтартусемпе палăрчĕç. Трак вăтам шкулĕн 6 «б» класĕнче вĕренекен Кирилл Карпов, спортăн çак тĕсне хальтерех çеç парăнтарма тытăннăскер, çивĕч тупăшура пĕрремĕш вырăн йышăнчĕ.
Тĕп ăмăртусенче /секцие 2 çул ытла çÿрекенсем/ Красноармейски вăтам шкулĕн 8-мĕш класĕнче пĕлÿ илекен Вадим Сысоев /ката/ иккĕмĕш пулчĕ. Унăн тусĕ Кирилл Ефимов /кумите/ виççĕмĕш вырăна тухрĕ. Вадимпа Кирилл 13 çулсенчи арçын ачасем хушшинче абсолютлă виçе категорийĕнче вăй виçрĕç.
Леонид АРТЕМЬЕВ.