18 марта 2021 г.
Пушăн 15-мĕшĕнче Пĕтĕм Раççейри «Вилĕм ăçта сутнине пĕлтер» акци пуçланнă.
Чăваш Енре çак акци икĕ тапхăрпа — пуш уйăхĕн 15-26-мĕшĕсенче тата юпа уйăхĕн 18-29-мĕшĕсенче — иртет. Ăна çулленех наркотикăн саккунсăр çаврăнăшне, медицина препарачĕсемпе тĕллевсĕр усă курассине пÿлес, оперативлă пĕлтерĕшлĕ информацисене тĕрĕслес, наркомани серепине çакланнисене пулăшас тĕллевпе йĕркелеççĕ. Акци вăхăтĕнче влаç органĕсем тĕрлĕ мероприяти ирттерĕç. Кăçал, сăмахран, «#Япротивнаркотиков» флешмоб та /сăн ÿкерчĕксене интернета вырнаçтарса/ йĕркелеме палăртнă. Наркотĕрĕслевĕн «шанăç» телефонĕ — 8 /8352/ 58-33-33.