11 марта 2021 г.
Район администрацийĕн пуçлăхĕ Александр Кузнецов ертсе пыракан ушкăн — унта ял тăрăхĕсен пуçлăхĕсемпе ял хуçалăх предприятийĕсен ертÿçисем кĕнĕ — Агропромышленность комплексĕн ыйтăвĕсемпе ĕçлекен тата апат-çимĕç рынокĕнчи лару-тăрăва сăнаса тăракан комиссийĕ тата ЧР Ял хуçалăх министерствин коллегийĕн Чăваш Ен Пуçлăхĕ Олег Николаев хутшăннипе иртнĕ анлă ларăвне хутшăннă.
Унтан пирĕн делегаци Шупашкарти «Экспо-Контур» комплексра иртнĕ «Çĕр улми» курава çитсе курнă. Вăл кăçалхипе 13-мĕш хут уçăлнă. Курава çĕршыври регионсенчи «иккĕмĕш çăкăр» туса илекен, унран апат-çимĕç хатĕрлекен, минерал удобренийĕпе тивĕçтерекен, ÿсен-тăрана сăтăрçăсенчен хÿтĕлемелли хими им-çамĕ, вăрлăх, ял хуçалăх техники сутакан предприятисем хăйсен продукцийĕпе паллаштарнă. Хула\çыннисем çĕр улмин вун-вун çĕнĕ сортне туяннă. Сергей ПЕТРОВ