04 марта 2021 г.
4-8-мĕш классенче вĕренекенсем Сăр тата Хусан хÿтĕлев чиккисене тума хутшăннă паттăрсене халалланă класс сехетне хутшăннă.
Унччен маларах ачасем Пăрăнтăк ялĕнче пурăнакан ватăсенчен çак историллĕ пулăм пирки ыйтса пĕлнĕ, вĕсен аса илĕвĕсене çырса илнĕ, ÿкерчĕксем тунă. Мероприятие пухăннисем Петр Филиппов, Дмитрий Максимов, Устинья Гордеева, Анна Ильина хÿтĕлев чиккисене тума хутшăннине пĕлнĕ. Класс сехетĕнче вĕренекенсем «Сăр хÿтĕлев чиккисен историйĕ» видеофрагментсем пăхнă, Анастасия Мухортовăн аса илĕвĕсене итленĕ. Александра Антонова «Сăр хÿтĕлев чикки», Варвара Прокопьева «Киле янă çыру», Александра Степанова «Арçын ача çинчен хывнă баллада» ятлă сăвăсене вуланă.
Полина Иванова.