04 марта 2021 г.
2006-2008 çулсенче çуралнă хĕр ачасемпе арçын ачасем Чĕмпĕр хулинче ирĕклĕ майпа кĕрешес енĕпе тупăшрĕç.
Ăмăртăва мĕн пур регионти чи вăйлă кĕрешÿçĕсем хутшăннă. Чăваш Республикин чысне Шупашкар, Çĕнĕ Шупашкар, Канаш хулисен, Вăрнар, Шупашкар, Патăрьел, Красноармейски районĕсен спортсменĕсем хÿтĕленĕ.
Кĕрешÿ питех те çивĕч иртнĕ. Пирĕн спортсменкăсем Даша Осипова, Люда Александрова, Маша Константинова /Упи шкулĕ/, Катя Лыскова /Трак/ хăйсен виçисенче çурма финала тухрĕç. Дашăпа Люда финала тухассишĕн мĕн пур вăйран тăрăшрĕç. Анчах та çакăн евĕрлĕ тытăçусенче кĕрешме вĕсен опыт сахалли туйăнчĕ. Çапах та виççĕмĕш вырăн йышăнма пултарчĕç. Шел, Машăпа Катя ăмăртура пиллĕкмĕш пулчĕç.
Чĕмпĕре кайса килме çамрăк спортсменсене Николай Степанов тата Даша Осиповăн ашшĕ Александр Владимирович пулăшнă.
Владимир Григорьев.