04 марта 2021 г.
Нарăс уйăхĕн 23-мĕшĕ — Раççей халăхĕшĕн уйрăмах пысăк пĕлтерĕшлĕ кун. Эпир сывлăшра, тинĕсре, çĕр çинче тăнăç пурнăçа хÿтĕлекен çар çыннисене саламлатпăр.
Çав вăхăтрах асаттесемпе кукаçисем, асаннесемпе кукамайсем, аттесемпе аннесем Тăван çĕршывăн Аслă вăрçи вăхăтĕнче тăван çĕре-шыва нимĕç фашисчĕсен пусмăрне лекесрен сыхласа хăварнине ас тусах тăратпăр.
Пайсупин ялĕнче пурăнакансем те Тăван çĕршыв хÿтĕлевçин кунĕнче Çĕнтерÿ палăкĕ умне чăрăш кăшăлĕ хучĕç. Çапла майпа вăрçă хирĕнчен таврăнайманнисене, йывăр сурансене пула вăхăтсăр çĕре кĕнисене аса илчĕç.
Анастасия Цыганова.