04 марта 2021 г.
Трак енри çамрăк çемьесене пулăшассине пысăк тимлĕх уйăраççĕ.
Сăмахран, çак шутра «Раççейре пурăнакансене коммуналлă çăмăллăхсемпе тата хăтлă çурт-йĕрпе тивĕçтересси» патшалăх тата «Граждансене хăтлă çурт-йĕрпе тивĕçтерес тата пурăнмалли çурт-йĕрпе коммуналлă хуçалăх тăкакĕсене саплаштарас тĕлĕшпе патшалăх пулăшăвĕ парасси çинчен» ведомство программисемпе килĕшÿллĕн хваттер туянма е уйрăм çурт лартма социаллă тÿлев панине палăртмалла.
Нарăс уйăхĕн вĕçĕнче район администрацийĕн пуçлăхĕ Александр Кузнецов Трак енри 13 çамрăк çемьене патшалăх пулăшăвĕпе тивĕçтернине çирĕплетекен свидетельство панă. Александр Николаевич вĕсене çемье ăшшине упрама, пепкисене çĕршывăн тивĕçлĕ гражданĕсем туса ÿстерме ăнăçу суннă.
Сергей Петров.