04 марта 2021 г.
Районти ачасемпе çамрăксен спорт шкулĕнче Çĕнĕ Шупашкар хулин тата Красноармейски ялĕн пĕрлештернĕ командисем тĕл пулнă, волейболла вылянă.
Юлташла ăмăрту пуçаруçисем — Александр Павлов предприниматель /Çĕнĕ Шупашкар, вăл 2020 çулта спорт шкулĕн пÿлĕмĕсене тĕпрен юсаса çĕнетме пулăшнă/ тата районăн спорт команди. Пирĕн команда йышне «КЕТРА» заводăн, Заволжски ЛПУМГăн, Раççей Пенси фончĕн районти уйрăмĕн спортсменĕсем кĕнĕ. Тĕл пулу питех те çивĕч тупăшура иртнĕ, вăл пирĕннисем 3:2 шутпа çĕнтернипе вĕçленнĕ.