25 февраля 2021 г.
Мăн Шетмĕри Совет Союзĕн Геройĕ Владимир Васильев ячĕллĕ пĕтĕмĕшле пĕлÿ паракан вăтам шкулта наукăпа практика конференцийĕн — вĕренекенсен EXCELSIOR-2021 пултарулăх фестивалĕн муниципаллă тапхăрĕ иртнĕ. Ăна онлайн мелĕпе ZOOM платформа çинче йĕркеленĕ.
«Вырăс литератури» секцийĕнче /обществăпа гуманитари наукисем енĕпе/ иккĕн тупăшнă: Александра Антонова /7-мĕш класс, ертÿçи Татьяна Антонова/ тата Никита Яковлев /11-мĕш класс, Валентина Васильева/. Александра «Стиль и язык Андрея Платонова» тĕпчев ĕçне хÿтĕленĕ. Унта вăл çыравçăн «Юшка» тата «Иван Великий» произведенийĕсене тишкернĕ. «Платоновăн чĕлхи çепĕç, ку хальхи вăхăтшăн çĕнĕ пулăм», — çакăн пек пĕтĕмлетÿ тунă вĕренекен. Никита вара «Маленький человек в повести Николая Гоголя «Шинель» и в рассказе Елены Чижовой «Нюточкин дом» тĕпчевĕпе тухса калаçнă. Унăн ĕçне хаклав комиссийĕ лайăх енчен палăртнă.
Полина Иванова