25 февраля 2021 г.
Нарăсăн 23-мĕшĕ — çĕршывра паллă дата. Çак кун пирĕнтен кашниех тăнăç пурнăçа сыхлакан маттур арçынсене, çарпа флотра гражданла тивĕçе пурнăçланисене хисеплесе тав тăвать, çар служби шăпа тата кăмăл туртăмĕ пулса тăнисем патне салам сăмахĕсем çитерет.
Ытларикун çĕршывра «Паттăрсен ятне хÿтĕлетпĕр» акци иртрĕ. Район ертÿлĕхĕ те мероприятие хутшăнчĕ, райцентрти Тăван çĕршывăн 1941-1945 çулĕсенчи Аслă вăрçинче пуç хунисене асăнса лартнă палăк патне чечек кăшăлĕ хучĕ, пĕр минут шăп тăрса асăнчĕ.