25 февраля 2021 г.
Оборонăпа массăллă тата спорт ĕçĕн уйăхлăхĕн шучĕпе Кĕçĕн Шетмĕри пĕтĕмĕшле пĕлÿ паракан тĕп шкулта районти вĕрентÿ учрежденийĕсенчи çамрăк армеецсен уйрăмĕсен «Пире ку тĕнчене упрама шаннă!» фестиваль иртнĕ.
Ăна Сăр тата Хусан хÿтĕлев чиккисене тума хутшăннисен паттăрлăхне халалланă. Фестивале районти вунă шкулти 13 команда хутшăннă. Çамрăк армеецсем стройпа утассипе, Калашников автоматне сÿтсе пухассипе, эстафетăра, çарпа историн «Пирĕн кун çинчен манма кирлĕ мар» конкурсĕнче, «Пире ку тĕнчене упрама шаннă!» пултарулăх тупăшăвĕнче вăй виçнĕ. Çивĕч ăмăртура Красноармейски вăтам шкулĕн «Кадечĕсем» тата «Орленок» уйрăмĕн çамрăк армеецĕсем, «Зарницăра» Карай шкулĕн вĕренекенĕсем палăрнă.