18 февраля 2021 г.
Трак енри ял тăрăхĕсенче граждансен пухăвĕсем малалла пыраççĕ.
Тунтикун Еншик Чуллă ял тăрăхне кĕрекен Шурка, Чумаш, Çурткасси тата Именкасси ялĕсенче пурăнакансен пĕрлехи пухăвĕ иртнĕ. Унта район администрацийĕн пуçлăхĕ Александр Кузнецов хутшăннă.
Ял çыннисем умĕнче Еншик Чуллă ял тăрăхĕн пуçлăхĕ Василий Петров тухса калаçнă, иртнĕ тапхăрта туса ирттернĕ ĕç-хĕлпе паллаштарнă, умри тĕллевсем умĕнче чарăнса тăнă, ыйтусем çине хуравланă.
Александр Кузнецов пухăннисене Трак енсен иртнĕ çулхи ĕçĕ-хĕлĕ çинчен каласа кăтартнă, районăн 2025 çулчченхи социаллă пурнăçпа экономика аталанăвĕн комплекслă программипе паллаштарнă.