18 февраля 2021 г.
2021 — Чăваш Енре Сăр тата Хусан хÿтĕлев чиккисене тăвакансене халалланă çулталăк. Çавна май халĕ пур çĕрте те тĕрлĕрен мероприятисем иртеççĕ.
Алманчри ялти тата шкулти вулавăшра «Сăр тата Хусан хÿтĕлев чиккисене тума хутшăннисен ĕç паттăрлăхĕ» ятпа мероприяти иртрĕ.
Шкулти музыка ертÿçи Лина Григорьева тата вулавăш ĕçченĕ Ольга Долгова тимленипе вырăнти шкулăн 7-мĕш класĕнче вĕренекенсемпе çак ятпа паттăрлăх урокĕ йĕркеленĕ.
Пурте пĕрле «Чăваш Ен» ПТРК хатĕрленĕ «Сăр хÿтĕлев чикки» сюжет пăхнă. Вулакансемпе вĕренекенсем нимĕç эшкерĕсене тытса чарма хÿтĕлев чиккисен строительстви питех те пысăк пĕлтерĕшлĕ пулни, ахаль çынсен паттăрлăхĕ, тÿсĕмлĕхĕпе чăтăмлăхĕ пирки пĕлме пултарнă.
Олег ВАСИЛЬЕВ.