18 февраля 2021 г.
Вырсарникун Çĕрпÿ хулинче алла-аллăн çапăçассипе республика шайĕнчи IХ ăмăрту иртнĕ.
Ăна «Спорт наркотиксене хирĕç» девиза тĕпе хурса оборонăпа массăллă тата спорт ĕçĕн уйăхлăхне, совет çарĕсене Демократиллĕ Афганистан Республикинчен илсе тухнине тата Тăван çĕршывăн Аслă вăрçинче Çĕнтерÿ тунăранпа 76 çул çитнине халалланă. Ăмăртусене Трак ен боксерĕсен команди те хутшăннă, вĕсене япăх мар кăтартусемпе вĕçленĕ, район чысне тивĕçлипе хÿтĕленĕ.
Çивĕч кĕрешÿсенче Роман Романов пĕрремĕш, Александр Ивановпа Вениамин Михеев иккĕмĕш, Павел Соколов виççĕмĕш вырăн йышăннă.
Андрей Тимофеев.