11 февраля 2021 г.
Красноармейски вăтам шкулĕн 5 «б» класĕнче «Пирĕн вăхăтри паттăрсем» паттăрлăх урокĕ иртнĕ.
Унăн тĕллевĕ — çитĕнекен ăрăва Тăван çĕршыва юратма, историе хисеплеме вĕрентесси, каччăсемпе хĕрсене патриотизм туйăмĕпе воспитани парса ÿстересси.
Паттăрлăх урокĕ тăршшĕпех çар кĕввисем янăранă, мультимедийлĕ презентаци иртнĕ. Çак тапхăрта ачасем пирĕн вăхăтра та паттăрлăхпа хастарлăх кăтартма пуррине туйса илнĕ. Вĕсем паянхи кун паттăрлăх кăтартнă çынсемпе паллаштарнă.
Вăрçă вăхăтĕнче кăна мар, мирлĕ пурнăçра та паттăр пулма пулать иккен.