11 февраля 2021 г.
Район администрацийĕн пуçлăхĕн çумĕ – вĕрентÿ пайĕн ертÿçи Светлана Григорьева йĕркелесе пынипе çул çитменнисемпе ĕçлекен тата вĕсен прависене хÿтĕлекен комиссин черетлĕ ларăвĕ иртнĕ. Ку хутĕнче унта ял тăрăхĕсен специалисчĕсем те хутшăннă.
Ларура Чатукасси ял тăрăхĕн пуçлăхĕ Геннадий Михайлов асăннă территорире йĕркеллĕ мар çемьесене тупса палăртасси, вĕсемпе ĕçлесси, çул çитмен ачасем пур çемьесенче ашшĕ-амăшĕ эрех-сăрапа иртĕхнине хирĕç кĕрешесси еплерех пулса пыни пирки информаци панă.
Комисси РФ КоАПĕн 5.35 статйин 1-мĕш пайĕпе ашшĕ-амăшĕ пирки административлă икĕ ĕç пăхса тухнă. Икĕ ашшĕ-амăшне вĕсем хăйсен тивĕçне кирлĕ пек туса пыманшăн штраф хунă. Красноармейски ял тăрăхĕнчи пĕр \çемьене профилактика учетне илнĕ.