11 февраля 2021 г.
Çулталăкăн малтанхи уйăхĕнче Пикшикри кану çурчĕ çумĕнче ÿкерме кăмăллакансен кружокĕ вăтам шкулти кĕçĕн классенче вĕренекенсемпе ĕçлеме пуçларĕ. Ăна кану çурчĕн ертÿçи Лидия Иванова йĕркелесе пырать.
«Эрнере пĕр хутчен пуçтарăнса кирек мĕнле пулăм е япала çине пăхма, унтан ăна хут çине сăнарласа пама вĕренетпĕр», — каласа парать Лидия Аркадьевна.
Кĕçĕннисем кружока уроксем хыççăн пуçтарăнаççĕ. Малтанах палăртнă темăпа калаçу иртет, унтан ăна тăрăшсах хут çине сăнарлаççĕ ачасем.
Малтанхи вăхăтра кашни ачах хăйĕн çемйи тата кил-йыш çинчен ÿкернĕ. Çитес вăхăтра Ленинград блокади çинчен калаçу йĕркелĕç, унтан сăнарсем пулĕç.