11 февраля 2021 г.
Раççей Правительстви Пĕтĕм Раççейри халăх çыравне çĕнĕ тапхăрпа — 2021 çулхи авăн уйăхĕнче ирттерме йышăну кăларнă. Çак тапхăр валли çĕршывра эпидемиологи лару-тăрăвĕ йĕркеленессе шанаççĕ.
Аса илтерер, Пĕтĕм Раççейри халăх çыравне çĕнĕ тапхăрпа — 2021 çулхи авăн уйăхĕнче ирттерме 2020 çулхи çулла, пандеми условийĕсенче, йышăннă. Паян çĕршывра урăхларах лару-тăру — асăннă вирус чирĕпе чирлекенсен йышĕ чакса, вакцинаци программи ĕçе кĕрсе пырать.
Çавăнпа та авăн уйăхне Пĕтĕм Раççейри халăх çыравне ирттермелли чи лайăх вăхăт тесе палăртаççĕ.
Пĕрремĕшĕнчен, вăл Пĕрлешнĕ нацисен организацийĕ /ООН/ сĕннĕ тапхăрпа пĕр килет. Çак тапхăрта илнĕ мĕн пур статистика кăтартăвĕсене наци, çавăн пекех тĕнче шайĕнче тишкерсе кирлĕ ведомствăсене пама аван.
Иккĕмĕшĕнчен, Росстат шухăшĕпе, çырав валли чи меллĕ вăхăт. Çак тапхăрта çынсенчен нумайăшĕ отпускран таврăнать, çĕнĕ вĕренÿ çулне хатĕрленет, вĕсем тĕрлĕрен ыйтусене татса параççĕ, чылай чухне вара электронлă çăмăллăхсемпе усă кураççĕ. Сăмах май, йăлана кĕнĕ йĕркепе çырава студент-переписчиксем кÿлĕнеççĕ. Ку ĕçе вара çамрăксенне практика евĕр шута илеççĕ.
Тата тепĕр япала та пур. Авăн уйăхĕнче çĕршывăн чылай пайĕнче лайăх çанталăк тăрать, сезонти чир-чĕр сарăлас хăрушлăх çук. Çакă переписчиксене туллин ĕçлеме условисем туса парать.
Чăвашстат,
Пĕтĕм Раççейри халăх çыравĕ-2020.