04 февраля 2021 г.
Кăрлачăн 22-23-мĕшĕсенче Шупашкар хулинче В.Н. Кочков ячĕллĕ 5-мĕш спорт шкулĕнче 2004-2006 çулсенче çуралнă хĕрсемпе каччăсем хушшинче ирĕклĕ майпа кĕрешсе мала тухассишĕн Чăваш Республикин ăмăртăвĕ иртрĕ.
Унта Чăваш Енри район-хуласенчи 180 спортсмен хутшăнчĕ. Пирĕн район командинче çак спортсменсем пулчĕç: Наташа Антонова /Пикшик/, Катя Лыскова тата Августина Михайлова /Трак/, Вероника Черней тата Вадим Антонов /Упи/, Августина Борисова /Шупашкарта вĕренет/, Роман Романов /Çĕрпуре вĕренет/.
Ăмăртусенче ăнăçупа телей пирĕн енчех пулаймарĕ. Пирĕн командăри Катя Лыскова çеç хăй виçинче /73 кг/ пĕрремĕш вырăн çĕнсе илчĕ.
Çитес ăмăртусенче Трак ен спортсменĕсен ăнăçу татах та нумайрах пултăрччĕ.
Владимир ГРИГОРЬЕВ,
Чăваш Республикин тава тивĕçлĕ тренерĕ