Публикации » Комиссин пĕрремĕш ларăвĕ

28 января 2021 г.

 Иртнĕ эрнере çул çитменнисемпе ĕçлекен тата вĕсен прависене хỹтĕлекен комиссин кăçалхи пĕрремĕш ларăвĕ иртнĕ. Ăна район администрацийĕн пуçлăхĕн çумĕ-вĕрентỹ пайĕн ертỹçи С. Григорьева йĕркелесе пынă. Унăн ĕçне район администрацийĕн пуçлăхĕ А. Куз-нецов хутшăннă. Комисси ларăвĕнче иртсе кайнă çулта туса ирттернĕ ĕç-хĕле тĕплĕн тишкернĕ. 2020 çулта Трак енре çул çитменнисем 1 преступлени (малтанхи çул — 3) тунă. Ларура ашшĕ-амăшĕ пирки РФ КоАПĕн 1-мĕш пайĕн 5.35 статйипе административлă икĕ ĕç пăхса тухнă. Пĕр амăшне ачине тивĕçлĕ пĕлỹпе воспитани парассишĕн тимлеменшĕн 1 пин тенкĕ штраф панă. Ларура кун йĕркине кĕртнĕ ытти ыйтусене пăхса тухнă, тивĕçлĕ йышăну тунă. А. Кузнецов пĕтĕ-мĕшле пĕлỹ паракан Красноармейски вăтам шкулĕн территорийĕнче вырнаçнă катока çитсе курнă. Юлашки вăхăтра çунă юр ăна хупласах лартнă пулнă. Ăна тракторпа, юр тасатакан техникăпа, алă вăйĕпе тасатма пултарнă. Каток халĕ кăнтăрла та, каçпа та пăр çинче ярăнма юратакансене йышăнма хатĕр.