Публикации » Савăнăçлă лару-тăрура уçрĕç

28 января 2021 г.

 Совет Союзĕн Паттăрĕ В. Васильев ячĕллĕ Мăн Шетмĕри пĕтĕмĕшле пĕлỹ паракан вăтам шкулта савăнăçлă лару-тăрура оборонăпа массăллă тата спорт ĕçĕн уйăхлăхне уçрĕç. Çав кун шкулăн мĕн пур класĕсенче пирĕн паллă ентеше, Совет Союзĕн Паттăрне В. Васильева халалласа Паттăрлăх урокĕсем иртрĕç. Уроксем хыççăн вара "Пурнăç хăрушсăрлăхĕн никĕсĕсем" предмета ертсе пыракан Ю. Маринкин тимленипе "чĕрĕ" коридор йĕркелесе çамрăк армеецсен отделенийĕ В. Васильев палăкĕ патне чечек кăшăлĕ хучĕ. В. Васильев иртнĕ вăрçăра 1945 çулхи кăрлачăн 24-мĕшĕнче Одер патĕнче, Оденталь хулин пĕр районĕнче, паттăрсен вилĕмĕпе пуç хунă. Эпир, Аслă Çĕнтерĕвĕн тĕпкĕчĕсем, Тăван çĕршывăн хастар салтакĕсен паттăрлăхĕ умĕнче пуçа таятпăр. Ыра-ту, юн тата вилĕм витĕр тухса пире паянхи савăк пурнăç парнеленисене тав сăмахĕ калатпăр. Яланах мирлĕ тỹпе пултăр. П. Иванова.