21 января 2021 г.
Раççей тата Чăваш пичечĕсен кунĕсен ячĕпе районти “Ял пурнăçĕ” хаçат редакцийĕнче те пысăках мар йышпа савăнăçлă пуху пулчĕ. Унта хутшăннисене уявсем ячĕпе ЧР Цифра аталанăвĕпе информаци политикин тата массăллă коммуникацисен министерствин “Красноармейски районĕн “Ял пурнăçĕ” хаçат редакцийĕ” ЧР хăй тытăмлă учрежденийĕн тĕп редакторĕн çумĕ Ю. Борисов ăшшăн саламларĕ, хаçата кăларса тăрас ĕçре ăнăçусем сунчĕ. Пухура çавăн пекех “Чăваш Республикинчи журналистсен Пĕрлĕхĕ” регионти общество организацийĕн районти уйрăмĕн секретарĕ В. Данилов, ЧР тавра пĕлỹçĕсен районти уйрăмĕн ертỹçи В. Константинов, Г. Дубровпа Т. Борисова общество корреспонденчĕсем, ыттисем сăмах каларĕç. Ларура çĕнтерỹçĕсен пĕр ушкăнне те чысларĕç. Акă, Г. Егорова (Кỹлхĕрри) общество çыравçи районти Н. Ершов ячĕллĕ преми лауреачĕ пулса тăчĕ. Тĕрлĕ конкурссенче мала тухнă Т. Борисова, Г. Ефимов-Тусли, В. Данилов, А. Борисов Хисеп хучĕсемпе укçан премисене тивĕçрĕç. Г. Дубровпа М. Романовăна тата Г. Гурьева та Хисеп хучĕсемпе чысларĕç. Д. Викторов.