Публикации » Мобильлĕ ушкăнсем — тĕрĕслевре

21 января 2021 г.

 Трак енре ЧР Пуçлăхĕн 2020 çулхи авăн уйăхĕн 29-мĕшĕнчи 166 №-лĕ “Чăваш Ен территорийĕнчи халăха санитарипе эпидемиологи тĕлĕшĕнчен тăнăçлăх туса парас тĕлĕшпе йышăннă мерăсем çинчен” Указне еплерех пăхăннине пĕлес тĕллевпе район администрацийĕн ĕçченĕсем тата РФ Шалти ĕçсен министерствин муниципалитетсем хушшинчи “Цивильский” пайĕн районти уйрăмĕн полици сотрудникĕсем кунсерен рейда тухаççĕ. Кăрлачăн 18-мĕшĕнче вĕсем ваккăн суту-илỹ тăвакан 10, обществăлла апатланăвăн 3 объектне, 2 аптекăна тĕрĕсленĕ. Рейдсене хутшăнакансем районта пурăнакансене тата унăн хăнисене маска режимне, социаллă дистанцие, санитари правилисене пăхăнма ыйтаççĕ. “Сирĕн сывлăх — хăвăр алăра. Хăвăра тата çывăх çыннусене сыхлăр тата упрăр!” — теççĕ вĕсем.