14 января 2021 г.
Асăннă темăпа Упири вулавăшра вăй хунă чухне час-часах диспутсем, литература каçĕсем, вулакансен конференцийĕсем, шкулта вĕренекенсемпе мероприятисем ирттереттĕмĕр. Халĕ вара çак ырă ятпа районти “Ял пурнăçĕ” хаçатпа тачă çыхăнса ĕçлекен, хăйсен ырă шухăш-кăмăлĕсене уçса паракан журналистсене, район хыпарçин общество корреспонденчĕсене пуçа тайса тав сăмахĕ калассăм килет. Эпĕ райхаçата чылайранпа çырăнса илетĕп, ăна алла тытсан пĕр сăмах сиктермесĕр вуласа тухатăп. Мĕн тĕслĕ информаци çук пулĕ кунта: хамăр район çыннисем, вĕсен çитĕнĕвĕсем, вĕренекенсем тата каччăсемпе хĕрсен çитĕнĕвĕсем... Хăш-пĕр материалсене вара куççуль витĕр, теприсене кулса-савăнса вулатăн. “Ял пурнăçĕн” сĕнĕвĕсем мĕне тăраççĕ. Пирĕн пата питех те интереслĕ, вуламалли хаçат çитерессишĕн тăрăшакан журналистсен ячĕсене те çырса пĕтерме пулас çук. Анчах та Таньăпа Юрий Борисовсене, Виктор Данилова, Георгий Ефимов-Туслие, Гурий Дуброва, Лев Соловьева, ыттисене ырлăх-сывлăх сунса, чун-чĕререн тав сăмахĕ калатăп. Сире Вăкăр çулĕпе саламлатăп. Район хыпарçине кам çырăнса ĕлкĕреймен, тар-хасшăн, çырăнăр. Информаци çăкăрĕ вăл маншăн.
Е. Константинова.