Публикации » Сыснасен Африка мурĕ çирĕп тĕрĕслевре

14 января 2021 г.

Çакăн çинчен ĕç тăвакан влаç органĕсен тата муниципалитетсен ертỹçисемпе тунтикунсерен йĕркелекен канашлура пĕлтернĕ. Кирек епле инфекци те сыхă пулма хистет. Çав шутра — выльăх чирĕ-сем. Патшалăхăн ветеринари службин ертỹçи Константин Викторов Чăваш Енре сыснасен Африка мурне тупни çинчен пĕлтерчĕ. Пĕр-ремĕш тĕслĕхре Хĕрлĕ Чутай районĕнче вăрманта “Балхаш” сунар хуçалăхĕнче тупнă хир сыснин виллине тĕпченĕ май чĕр чун Африка мурĕпе чирлĕ пулни палăрнă. Тепринче вара сунарçăсем çав районтах тытнă хир сыснине мур ерни çирĕпленнĕ. Апла-тăк чарусемпе çыхăннă çирĕп мерăсем кирлĕ. Вĕсене йышăннă ĕнтĕ. Çав шутра — хир сыснисен шутне чакарас-си. Нормăсемпе килĕшỹллĕн, хир сыснисен шучĕ кашни пин гектар пуçне 0,25-пе танлашмалла. Республикăра çак кăтарту икĕ хут пысăкрах. Хĕрлĕ Чутай районĕнче шута илнĕ хир сыснисене пĕтерме йышăннă, анчах хальлĕхе пĕрне те тытман-ха — çанталăка кура сунарçăсемшĕн вĕсене йĕрлесси-шырасси мел-лех мар иккен. Çавна май хир сыснисене тытмалли сунар тапхăрне çав тăрăхра тăсма йышăннă — нарăсăн 28-мĕшĕчченех. Тепĕр тесен, вăрманти сыснасен шутне чакарасси сунарпа кăна çыхăн-ман. Йĕкĕр чĕрнеллĕ ытти чĕр чун ĕрчетмелли условисем йĕркелени те вырăнлă — çакă хир сыснисене хунама чăрмантарĕ. Чирлĕ хир сыснисене тупнă тата тытнă тăрăхсенче сысна ĕрчетекен предприятисем çук. Çынсем килти хуçалăхсенче сысна тытаççĕ, анчах канашлура вĕсем тĕлĕшпе мерăсем йышăнасси пирки сăмах пулмарĕ — пăшăрханма сăлтав çук.