14 января 2021 г.
Чĕр чунсене юратакан çын килте кушак е йытă усрать. Анчах та вĕсене вăхăтра прививка тутарасси пирки те манса каймалла мар. Хăш чухне килти чĕр чунсемех уртаракан (бешенство) чирĕпе чирлеме пултараççĕ. Вĕсем çыртсан, çынна пысăк сиен кỹме пултараççĕ, хăрушă инфекци сараççĕ. Чирлĕ чĕр чунсем çынран хăрама пăрахаççĕ, хăйсем çынсене тапăнаççĕ. Енчен те тискер е килти чĕр чун виллине асăрхасан, çийĕнчех районти ветеринари службин ĕçченĕсене пĕлтермелле. Уртаракан чиртен сыхланмалли чи ансат мел вăл — килти чĕр чунсене прививка туни. Çавăнпа та халĕ районта кушаксемпе йытăсене прививка тăвас ĕç пырать. Хăшĕ-пĕри килте пулманран чĕр чунсене укол тутараймасть. Çакнашкаллисене районти ветеринари службин станцине кушаксемпе йыттисене илсе килсе укол тутарма чĕнсе калатпăр. Шăматкунпа вырсарникунсăр пуçне кашни кунах 8 сехетрен пуçласа 16 сехетчен (12-13 сехетсенче апат вăхăчĕ) ĕçлетпĕр, телефон номерĕ: 2-21-33. Уртаракан чир выльăх-чĕрлĕхшĕн кăна мар, этемшĕн те хăрушлăх кăларать. Вăхăтра сиплен-месен çын вилме те пултарать. Инфекцине сара-каннисем тискер чĕр чунсем шутланаççĕ. Юлашки вăхăтра ял таврашĕнче тилĕсене курма пулать. Вĕсем килсĕр-çуртсăр йытăсемпе кушаксене шăпах чирлеттерççĕ. Вируслă чĕр чунсем çынсемпе çывăхарах пулаççĕ, çав вăхăтрах тапăнма та пултараççĕ. Килти тăватă ураллă тусăмăрсене вăхăтра вакцинаци тутармалли пирки манса ан кайăр. Çакăн пекех пĕр-пĕр чĕр чун çыртса илсен тỹрех ветеринар патне каймалла.
Р. Павлова.