25 декабря 2020 г.
Иртнĕ юнкун, раштав уйăхĕн 23-мĕшĕнче, Красноармейски вăтам шкулĕн 1-мĕш “б” класĕнче (класс ертỹçи А. Васильева), паянхи лару-тăрăва шута илсе, Çĕнĕ çул уявне йĕркелерĕç. Пирĕн пепкесем карталанса юрларĕç-ташларĕç, сăвăсем каларĕç, вăйăсем вылярĕç. Юлашкинчен вĕсем хăйсен юратнă ашшĕ-амăшĕпе тутлă апат-çимĕç астивме сĕтел хушшине ларчĕç. Вĕсем уявпа кăмăллă юлчĕç. Çунашкапа ту çинчен ярăнчĕç, Вупăр карчăкĕн пỹртне кĕрсе курчĕç ачасем. Хĕл Мучипе Юр пике вара пурне те парнесем валеçрĕç.
А. Васильева.