22 декабря 2020 г.
Чи асамлă уяв — Çĕнĕ çул çывхарать. Çак уявăн тĕп атрибучĕ чĕрĕ чăрăш шутланать. Кашни çемье йăли-йĕрки — килте елка лартасси, елка айĕнчи парнесене тупасси, чăрăш таврашĕнче вăйă карти ирттересси. Анчах та уяв вĕçленсен чăрăшпа мĕн пуласси çинчен шухăшлакансем пур-ши? Ăна кăларса пăрахаççĕ те — ĕçĕ те пĕтнĕ! Чăрăша ỹстерме 10-15 çул кирлĕ. Çĕнĕ çула кашни çын чĕрĕ елкăпа кĕтсе илес пулсан, часах чăрăшсем çĕр çинче пачах юлмаççĕ. Пирĕн вăрмансем — пирĕн мăнаçлăх. Вăрмансене касни çут çанталăкпа этем сывлăхĕшĕн питĕ пысăк сиен пулать. Çут çанталăка упрăр та ỹнер елкисене туянăр. Вĕсем те питĕ илемлĕ, нумай çул усă курма пулать. Ỹнер чăрăшĕнчен шăршă пултăр тесен, чăрăш аромачĕпе усă курма пулать. Елкăна хамăр алăпа тума, ăна илемлетме пулать, çакă вара çемьери чаплă йăла-йĕрке пулса тăрсан питĕ лайăх пулмалла. Ачисемпе темиçе мероприяти ирттернĕ хыççăн, планета çинчи пĕтĕм чĕр чун пĕр-пĕринпе çыхăнса тăни вĕренекенсене шухăша ячĕ. Йывăçсем медицинăра, строительствăра, пултарулăхра тата ытти отрасльсенче кирлĕ. Çĕнĕ çула вара чĕрĕ елкăсăр та ирттерме пултаратпăр. “Эсир çĕнĕ çула мĕнле чăрăшпа илемлетесшĕн?” — тесе ыйтсан, ачасем “искусствăлла” тесе юмахларĕç. Эпир çынсен шухăшĕсене, çĕнĕ йăла-йĕркесене тытса пырассине тỹрех улăштарма пултараймастпăр. Анчах темиçе чăрăша çăлса хăвартăмăр пулсан, вăл пирĕншĕн пысăк çĕнтерỹ! Чăрăша упраса хăварас тĕллевпе Трак енри тĕп библиотека “Симĕс пике — чăрăша упрар!” экологи акцийĕ ирттерет. Еншик Чуллăри вăтам шкулти 4-мĕш класра вĕренекенсем те çак акцине хутшăнчĕç, чăрăша упраса хăварма пурне те чĕнсе каларĕç. С. Николаева.