Публикации » “Ĕмĕтсен чăрăшĕ” Пĕтĕм Раççейри акци

18 декабря 2020 г.

 Пирĕн район та Пĕтĕм Раççейри “Ĕмĕтсен чăрăшĕ” (“Елка желаний”) акци çумне хутшăнать. Асăннă акци раштав уйăхĕн 11-мĕшĕнче старт илнĕ. Ку вăл Пĕтĕм Раççейри “Мечтай со мной” ятарлă акци шучĕпе иртет. Вăл Çĕнĕ çул тата Раштав уявĕсемпе тỹрремĕнех çыхăннă. “Ĕмĕтсен чăрăшĕ” çине йывăр лару-тăрăва лекнĕ ачасен сунăм сăмахĕсене вырнаçтараççĕ. Асăннă акцие çулленех ирттереççĕ, унта çăмăл мар лару-тăрăва лекнисен ыйтăвĕсене пурнăçлама тăрăшаççĕ. Акцие çаксем хутшăнма пултараççĕ: тăлăх пепкесем, ашшĕ-амăшĕн хỹтлĕхĕсĕр тăрса юлнă 3-17 çулхи ачасем; сывлăхĕ хавшак 3-17 çулхисем тата 60 çул урлă каçнисем; 3-17 çулхисен тата 60 урлă каçнисен пурнăçне хаяр чир-чĕр хăратса тăракансене. Пирĕн районта “Ĕмĕтсен чăрăшне” Красноармейски райповĕн универмагне вырнаçтарнă. Унăн адресĕ: Красноармейски ялĕ, Ленин урамĕ, 21-мĕш çурт.