Публикации » Ĕçлĕ визитпа — Мускавра

11 декабря 2020 г.

 Чăваш Ен Пуçлăхĕ ĕçлĕ визитпа Мускавра çỹренĕ. Олег Николаевăн программинче РФ Финанс, Сывлăх сыхлавĕн, Транспорт министерствисен ертỹлĕхĕсемпе уçă ĕçлĕ тĕлпулусем пулнă. РФ Сывлăх сыхлавĕн, Финанс министерствисен ертỹлĕхĕпе Шупашкарти инфекци çĕнĕ корпусĕн строительствин ĕçĕсем пирки сỹтсе явнă. Объекта хута яма тата пысăк технологиллĕ медицина хатĕрĕсене туянма 24 млрд тăкакланассине палăртнă. Проектпа смета ĕçне хатĕрлеме кăçал республика хыснинчен 11 млн ытла укçа уйăрĕç. Аса илтеретпĕр: проекта пурнăçласси Олег Николаев пуçарăвĕпе тата Раççей Президенчĕн Владимир Путинăн хушăвĕпе килĕшỹллĕн пулса пырать. Раççей Федерацийĕн транспорт министрĕн пĕрремĕш çумĕпе-сывлăш транспорчĕн Федераци агентствин ертỹçи Александр Нерадько тата Олег Николаев Шупашкарти аэровокзала юсаса çĕнетес ыйтусене пăхса тухнă. Проекта пурнăçласан, "Шупашкар" аэропортăн уйрăм пỹлĕмĕсене пысăклатма, 200 çын таран пĕр сехетре йышăнма май парать. Ĕçе 2022 çул вĕçлениччен пурнăçлама палăртнă.