08 декабря 2020 г.
Раштав уйăхĕн 3-мĕшĕ — Пĕтĕм тĕнче-ри инвалид кунĕ. Çак куна асăнса Упири вăтам шкулăн шкул çулне çитмен ушкăна çỹрекен пепкесем тĕрлĕ мероприятисене хутшăнчĕç. В. Катаев юмахĕ тăрăх ỹкернĕ “Цветик-Семицветик” мультфильмне пăхнă хыççăн юмаха сỹтсе яврăмăр. Харпăр-хăйне йĕркеллĕ тытмалли, пур çынпа та ăшă кăмăллă пулмалли, пурне те хисеплемелли, пулăшмалли çинчен калаçу ирттертĕмĕр. Ачасем пурте харăс ырă кăмăллăх çут тĕнче-не тытса тăни çинчен пĕлтерчĕç. Ушкăнпа эрешлесе (ап-пликаци) ỹкерни пурин кăмăлне те кайрĕ. Кĕçĕн ушкăна çỹрекен шăпăрлансем те ыр кăмăллăх çинчен калакан ваттисен сăмахĕсене тимлесех итлерĕç. Пирĕн ачасем пулăшу кирлĕ çынсенчен пăрăнса иртмĕç тесе шанатпăр.
В. Михайлова, В. Леонидова, А. Иванова.