Публикации » Маска режимне Трак енре епле пăхăнаççĕ?

08 декабря 2020 г.

 Трак енре ЧР Пуçлăхĕн 2020 çулхи сентябрĕн 29-мĕшĕнчи 166-мĕш №-лĕ "Чăваш Республикин территорийĕнчи халăха санитарипе эпидемиологи тĕлĕшĕнчен тăнăçлăх туса парас тĕлĕшпе йышăннă мерăсем çинчен" Указне пурнăçласа райадминистраци сотрудникĕсенчен, РФ Шалти ĕçсен министерствин муниципалитетсем хушшинчи "Цивильский" пайĕн районти уйрăмĕн полици ĕçченĕсенчен йĕркеленĕ ушкăн рейчĕсем малалла тăсăлаççĕ. Иртнĕ эрнекун мобильлĕ ушкăнсем суту-илỹ организацийĕсен 14 объектне тата вĕренĕвĕн 3 учрежденине тĕрĕсленĕ. Икĕ çĕрте вĕсем тивĕçлĕ йĕркене пăхăнманшăн протоколсем çырнă. Çакна тепĕр хут аса илтерме тивет: асăннă Указа пăхăнманшăн уйрăм çынсене — 1-30 пин тенкĕ, должноçри çынсене — 10-50 пин, предпринимательсене — 30-50 пин, организацисене 100-300 пин тенкĕ таран штраф хума пултараççĕ.