01 декабря 2020 г.
Чỹк уйăхĕн 24-мĕшĕнче “Варкăш” литература клубĕн хастарĕсем Нелли Петровскаян “Тухатмăш” романне сỹтсе яврĕç. Анчах та хальхинче кашниех килтен тухмасăр хутшăнчĕ — романпа паллашнă хыççăн çуралнă шухăш-кăмăлне “Вконтакте” социаллă те-телри “Варкăш, варкăшсам!” ятарлă калаçура (беседа) çырса ячĕ. Нелли Петровскаян “Тухатмăш” романĕ икĕ кĕнекерен тăрать. Пĕр-ремĕшĕ 2012 çулта Чăваш кĕнеке издательствинче кун çути курнă. Пĕтĕм ĕç-пуç Минке тĕп сăнар тавра çаврăнать. Çылăхлăскерĕн чылай терт-нуша витĕр тухмалла. Тухатма пĕлнишĕн унăн чунĕ асапланать. Çылăха каçарас тесен унăн çĕнĕрен çуралса пурнăçа тепĕр хутчен пурăнса ирттерме тивет. Иккĕмĕш кĕнекере (вăл Чăваш кĕнеке издательствинче 2016 çулта пичетленнĕ) çирĕм çултан Варварин хитре хĕр ача çура-лать. Ăс-тăнĕпе тантăшĕсенчен уйрăлса тăрать вăл, шăпах çакă инкек кăтартать те ăна. Иккĕмĕш кĕнекере те чылай тертленме тивет çĕр çине тепĕр хут килнĕ Минкен. “Ку произведени, чăнах та, нумайлăха асра юлать. Мана икĕ кĕнеки те кăмăла кайрĕ. Хайлав тăршшĕпех Минке сăнарĕ хăйĕнчен вĕçертмест. Малтан ăна шел-лерĕм, унтан вăл усалсемпе явăçнăшăн уншăн кулянтăм, кай-ран Минкене тарăхма та пуçларăм. Анчах та роман вĕçĕ маншăн кĕтменлĕх пулчĕ”, — тесе çырса ячĕ Н. Царыгина. О.Тимфеевăна вара иккĕмĕш кĕнекине ăнланма йывăртарах пулнине пĕлтерчĕ. “Варкăш” клубăн хастар членĕ С. Константинова çак дилогипе паллашнă хыççăн çапла пĕлтерчĕ: “Интереслĕ кĕнеке. Тен, эпир пурте çак Çĕр çине хамăрăн малтанхи çылăхсене каçарттарма килнĕ пуль”. Кашни кĕнекепе паллашнă хыççăн сỹтсе явмалли тупăнатех. Çавăнпа та чăваш кĕнекисене юратакансене çак литература клубне хастартарах хутшăнма чĕнетпĕр. Çитес тĕлпулура Николай Исмуковăн “Кĕл айĕнчи кăвар” çĕнĕ кĕнекине пăхса тухма палăртнă. Вăл Чăваш кĕнеке издательствинче кăçал пичетленнĕ.
Л. Левацкая.