Публикации » Аннесен уявĕнче

01 декабря 2020 г.

Анне — кашни ачан пĕрремĕш сăмахĕ. Çĕр çинче унран çывăхрах çын çук та пулĕ. Анне — чи илемлĕ те ашă сăмах. Çут тĕнчене килнĕ калаçма пĕлмен пепкене анне сăмахсăрах ăнланать. Чỹк уйăхĕн 26-мĕшĕнче “Çăлтăр” ача садĕнче шкул çулне çитмен “Пчелка” ушкăнра Е. Кольцова, К. Афанасьева тата музыка ертỹçи Л. Великова ертсе пынипе Пĕтĕм тĕнчери амăшĕн кунне халалланă пысăк уяв иртрĕ. Ачасем уявра хăйсен пултарулăхĕпе савăнтарчĕç, тĕрлĕ сăвăсем каларĕç, чуна пырса тивекен юрăсем шăрантарчĕç, илемлĕ ташăсем ташларĕç. Ачасем патне хăнана Хотабыч килсе кайрĕ, вĕсене тĕрлĕ вăйăсем выляттарса савăнтарчĕ. Уяв вĕçĕнче Хотабыч ачасене пĕчĕк кучченеçпе хăналаса хăварчĕ. Уяв ачасене питĕ килĕшрĕ, пурте кăмăллă юлчĕç.

Е. Кольцова.