Публикации » Çĕньялшетмĕсем пуçлăхсемпе тĕл пулчĕç

27 ноября 2020 г.

Иртнĕ ытларикун Пикшик ял тăрăхне кĕрекен Çĕньял Шетмĕ ялĕн çыннисем район администрацийĕн пуçлăхĕпе А. Кузнецовпа тата ял тăрăхĕн ертỹçипе В. Фоминпа тĕл пулчĕç. Вăл кун çанталăкĕ аван тăчĕ. Урамра иртнĕ тĕл пулăва чылайăн тухрĕç. Малтанах А. Кузнецов Трак енри лару-тăрупа кĕскен паллаштарчĕ, унтан ял çыннисене канăç паман ыйтусене итлерĕ. Çĕньялшетмĕсем çитес çул шыв башнине, яла шывпа тивĕçтерекен тытăма юсаса çĕнетесшĕн, ялти пĕвесене юшкăн тăпринчен тасатасшăн. Александр Николаевич кашни ыйтăвĕ çине тулли хурав пачĕ, чылайăшне пуçару бюджечĕпе татса пама май пуррине палăртрĕ. Ял тăрăхĕн пуçлăхĕ В. Фомин çитес тапхăрта урама электроçутăпа тивĕçтерес ыйтăва татса парасса шантарчĕ. Тĕл пулăва килнĕ халăх килĕсене кăмăллăн саланчĕ, пуçлăхсене ĕçре ăнăçу, сывлăх сунчĕ. Л. Соловьев.