24 ноября 2020 г.
Кĕçĕн Шетмĕри ялти вулавăшра “Угадай мелодию” вăйă иртрĕ. Ăна Асăнупа Мухтав çулталăкне, Тăван çĕршывăн Аслă вăрçинче Çĕнтерỹ тунăранпа 75 çул çитнине халалларĕç. “Бьется в тесной печурке огонь” вăйăра вара хаяр вăрçă вăхăтĕнчи, юратупа савăнăçра çуралнă, хурлăхра пиçĕхнĕ Çĕнтерỹ юррисем янăрарĕç. Вăхăт иртет пулин те, вăрçă вăхăтĕнчи юрăсен пĕлтерĕшĕ паян та çухалмасть. Вĕсен кашнин историйĕ, шăпи. Кĕçĕн Шетмĕ шкулĕн вĕренекенĕсем викторина ыйтăвĕсем çине хуравланă, вăрçă вăхăтĕнчи юрăсен уйрăм сыпăкĕсем тата сăмахĕсем, кĕвви тăрăх вĕсен ятне пĕлме тăрăшнă. Чи пултаруллисем пылак çимĕçсене тивĕçнĕ.