Публикации » Ачасем — пирĕн пуласлăх

24 ноября 2020 г.

“Ачасем — çĕр çинчи чĕрĕ чечексем”, — тенĕ вырăссен паллă çыравçи М. Горький. Пуласлăх пĕтĕмпех вĕсенчен килет. Пĕтĕм тĕнчери пепкесен кунне халалласа Еншик Чуллăри ялти вулавăшра “Эпир — ачасем!” пĕлỹ сехечĕ иртнĕ. Унта вырăнти вăтам шкулăн вĕренекенĕсем хутшăннă. Çак мероприятинче ачасем хăйсен прависемпе тивĕçĕсем çинчен туллин пĕлме пултарнă. Вулавăш ĕçченĕ Л. Фомина, пуçламăш классен вĕрентекенĕ С. Николаева ачасем килте, шкулта, обществăра хăйсене мĕнле тытмалли, итлеменнисене, саккун-сене пăсакансене мĕн кĕтни çинчен каласа кăтартнă. Вĕренекенсем пĕлỹ сехечĕпе кăмăллă юлнă.