Публикации » Атте тени — мухтавлă, атте тени — мăнаçлă

20 ноября 2020 г.

И.Н. Ульянов ячĕллĕ Чăваш патшалăх университечĕн культура кĕрменĕнче Чăваш Республикин пуçлăхĕ Олег Николаев пуçарса янипе кăçал Чăваш Енре пĕрремĕш хут “АТТЕ” кунне уявларĕç. Республикăри шанчăклă та хастар ашшĕсене тĕрлĕ наградăсемпе тата Тав хучĕсемпе чысларĕç. Красноармейски салинчен уява хутшăнма пирĕн “Пучах” ача садне тата район чысне тивĕçлĕ шая çĕклеме Андрей Тимофеева тỹр килчĕ. Вăл 4 ача ашшĕ. Кĕ-çĕн ывăлĕпе хĕрĕ хальлĕхе ача пахчине çỹреççĕ. Вĕсен пурнăçĕнче Андрей Александрович чи хисеплĕ çын та, чăн-чăн юлташ пулма та тăрăшать. Унăн ĕçченлĕхне, яваплăхне кура ăна “Пучах” ача садĕнчи ашшĕсен канашне ертсе пыма шаннă. Кашни çыншăн “атте-анне” тени ахаль сăмах пулмалла мар. Вĕсем кашни пепкене, çынна хăват парса пымалла. Эпир Андрей Алексадровича çакăн пек сумлă ят илме пул-тарнăшăн саламлатпăр, малалла та çавăн пекех хастарлă, ырă кăмăллă пулма сунатпăр.

С. Романова, М. Ершова.