17 ноября 2020 г.
Иртнĕ кĕçнерникун район администрацийĕн ларусен залĕнче район депутачĕсен çиччĕмĕш созыври Пухăвĕн черетлĕ виççĕмĕш ларăвĕ пулса иртнĕ. Унăн ĕçне район администрацийĕн пуçлăхĕ А. Кузнецов, район прокурорĕн тивĕçĕсене пурнăçлакан А. Бабаев, райадминистрацин тытăмĕн подразделенийĕсен ертỹçисем хутшăннă. Ларăва район пуçлăхĕ В. Петров йĕркелесе ертсе пынă. Ларура район администрацийĕн юридици службин, экономика, бухгалтери учечĕ, пурлăх тата çĕр хутшăнăвĕсен пайĕсен пуçлăхĕсем Л. Артемьевпа Н. Иванова кун йĕркине кĕртнĕ ыйтусемпе тухса калаçнă. Унта райадминистрацин пуçлăхĕн çумĕ-йĕркелỹпе тĕрĕслев тата кадрсен ĕçĕн пайĕн пуçлăхĕ В. Иванов, унăн çумĕ А. Капрова сăмах илнĕ. Лару пăхса тухнă ыйтусемпе тивĕçлĕ йышăну тунă. Депутатсем, пĕр саслă пулса, "Красноармейски районĕн хисеплĕ гражданинĕ" ята ЧР Патшалăх Канашĕн депутатне, "Вăрнарти аш-какай комбиначĕ" ООО компани президентне Юрий Алексеевич Попова пама йышăннă.