Публикации » Район администрацийĕн пуçлăхĕ — Александр Кузнецов

30 октября 2020 г.

Ĕнер район депутачĕсен Пухăвĕн çиччĕмĕш созыври иккĕмĕш ларăвĕ пулса иртнĕ. Депутатсем кун йĕркине кĕртнĕ ыйтусене пăхса тухма пуçличчен хăйсен ĕçтешĕ, район депутачĕсен Пухăвĕн çиччĕмĕш созыври Еншик Чуллă тăрăхĕнчен суйланнă депутат Ю.Ф. Батраков пурнăçран вăхăтсăр уйрăлнă пирки хурланни çинчен пĕлтернĕ, пĕр минут шăп тăнă. Кун йĕркинчи пĕрремĕш ыйту — район адинистрацийĕн пуçлăхне суйласси. Унпа конкурс комиссийĕн председателĕ А. Кизилов тухса калаçнă. Комисси депутатсен ларăвĕнче пăхса тухма икĕ кандидатура кĕртнĕ: А. Кузнецов тата район администрацийĕн ятарлă программăсен секторĕн заведующийĕ Н. Васильев. Депутатсем, уççăн сасăласа, район администрацийĕн пуçлăхĕ пулма Александр Николаевич Кузнецова çирĕплетнĕ. Район пуçлăхĕ В. Петров тата район администрацийĕн çĕнĕ ертỹçи А. Кузнецов контракт çине алă пуснă. Депутатсем кун йĕркинчи ытти ыйтусене пăхса тухса тивĕçлĕ йышăнусем тунă.