Публикации » Тутлă апат-çимĕç ăстисене палăртнă

27 октября 2020 г.

 Кĕçĕн Шетмĕри кану центрĕнче “Оригинальный кулинар” ятлă вăйăсен тата ăмăртусен савăнăçлă каçĕ иртнĕ. Апат-çимĕç — çын çут тĕнчене килсенех кирлĕ пулакан чи пирвайхи япала. Сцена çине кулинари ăсталăхне чухлакан питех те пултаруллă ачасем тухнă. Вĕсем валли "Эпир мĕн çиетпĕр?" викторина иртнĕ. Пĕр çĕр улмирен кăна пин блюдо хатĕрлеме пулать. Конкурсантсем "иккĕмĕш çăкăр" шуратнă. Жюри членĕсем шуратнă çĕр улмин хуппи хăшĕн вăрăммине тупса палăртнă. Кĕркунне пахча çимĕçпе пуян. Тупăшăва хутшăннисен "Чи юратнă салат" хатĕрлемелле пулнă. Ачасем юрланă, ташланă, савăннă, ыйтусем çине хурав панă. Конкурсра Вероника Николаева, Наташа Козлова, Коля Козлов, Любовь Игнатьева тата Лев Игнатьев çĕнтернĕ. Çĕнтерỹçĕсене медальсемпе тата пылак çимĕçсемпе чысланă.