Публикации » Çĕнтерỹçĕсемпе призерсене чысланă

23 октября 2020 г.

 Чăваш Енри çамрăксен пуçарăвĕн центрĕнче Чăваш автономине туса хунăранпа 100 çул çитнине халалласа ертỹçĕсен “ТОП 100” республикăри конкурсĕн çĕнтерỹçисемпе призерĕсене чысланă. Мероприятин тĕллевĕ — малашлăха пăхакан, паянхи вăхăт ыйтакан пултаруллă ертỹçĕсене тупса палăртасси, вĕсене аталантарасси тата хавхалантарса тăрасси. Тупăшу икĕ ỹсĕмпе иртнĕ: 35 тата 36-60 çулчченхи ертỹçĕсем. Тупăшăва республикăри мĕн пур районсенчи опытлă ертỹçĕсем хутшăннă. Конкурс çĕнтерỹçисемпе призерĕсене Дипломсене ЧР вĕренỹ тата çамрăксен политикин министрĕн çумĕ И. Царевский панă. Конкурсăн “35 çулчченхи ертỹçĕ” номинацийĕнче строительство керамикин “КЕТРА” завочĕн директорĕ Максим Андреев иккĕмĕш вырăн йышăннă.