20 октября 2020 г.
ЧР Пуçлăхĕ О. Николаев Чăваш Ен Пуçлăхĕ çумĕнчи Обществăлла канаш йĕркелесси çинчен калакан указа алă пуснă, унăн положенине çирĕплетнĕ. Асăннă канаш ЧР Пуçлăхĕ çумĕнчи канашламалли орган пулса тăрать. Унăн тĕп тĕллевĕ — обществăлла пĕлтерĕшлĕ ыйтусене сỹтсе явасси тата регионăн социаллă пурнăçпа экономика аталанăвĕпе çыхăннă сĕнỹ-канашсем хатĕрлесси. Обществăлла канаш обществăлла пĕрлешỹ çыннисенчен, республикăри районсемпе хуласенчи обществăлла палата председателĕсенчен, çавăн пекех патшалăх, обществăпа политика, наукăпа культура, искусство, вĕрентỹ, сывлăха сыхлас, ытти сферăсенче палăрнă çынсенчен йĕркеленет.